Uteklatring i Nordfjord – klatrefelt og klatremoglegheiter
Uteklatring • Klatrefelt • Trad • Buldring

Uteklatring i Nordfjord

Nordfjord har klatrefelt for alt frå familievennlege klatredagar til bratte prosjekt og store tradopplevingar. Her er ei kort oversikt over nokre av områda – enkel å oppdatere vidare etter kvart.

Nordfjord har mange etablerte klatrefelt som er verd å besøkje. Dei største og mest etablerte felta finn du omtala i klatreførarane for Sogn og Fjordane, Ørsta og Volda og Sunnmøre. Alle desse bøkene får du kjøpt hos oss i klatrebutikken.

Klatreklubbane og lokale eldsjeler jobbar også med å utvikle nye felt. For oppdatert informasjon om ruter og status, anbefaler vi å sjekke digitale tenester (til dømes 27crags) i tillegg til klatreførar.

Kort fortalt
  • Felt i fleire kommunar – frå Nordfjordeid til Stryn og vidare
  • Trad-område i Ålfoten og Svelgen med stort potensiale
  • Ålfoten er også eit svært sterkt buldreområde
  • Du får klatreførarar og utstyr hos oss i klatrebutikken

Nordfjordeid – Haus og nye felt

På Haus ved Kjølsdalen finn du fleire felt med ulike typar ruter – frå lett klatring til bratt og fysisk. Utviklinga held fram, og det kjem jamleg nye linjer.

Haushelleren
Bratt felt med harde ruter og prosjekt. Også mogleg med buldring.
Klatring: 5–9
Road Haus
Felt langs riksvegen, med ruter på bolt og naturlege sikringar.
Grad: 5–8
Skogs Haus
Ca. 20 ruter, ruter på bolt og naturlege sikringar.
Grad: 3–7
Lotsberg
Nyetablert felt (framleis under utvikling), men allereie stort.
Over 70 ruter
Uteklatring på Haus ved Kjølsdalen
Oppdatert info Vi held denne sida enkel i første omgang. For oppdatert ruteinfo og status, sjekk gjerne digitale tenester (til dømes 27crags).
Beachen i Stryn – populært klatrefelt i Nordfjord

Stryn og omegn

Stryn har fleire kjende felt. Beachen er eit av dei mest besøkte klatrefelta i landet, med flott utsikt og ofte eit miljø som passar for både venegjengar og familiar.

Beachen
Grad: 4–9-
Kleiva
Ca. 10 ruter (5+–8), under utvikling.
Erdalen og Folven er også omtala i Sogn og Fjordane-føraren, og Briksdalen kan vere ein fin stad for buldring og tur.

Gloppen og andre område

I Gloppen finn du fleire felt som er omtala i Sogn og Fjordane-føraren:

  • Sagafloten
  • Ulva
  • Varbufjellet
For Volda og Ørsta: sjå føraren for Ørsta og Volda. For Molladalen: sjå føraren for Sunnmøre. Hornelen har mykje potensiale – meir informasjon kjem.

Trad og store område: Ålfoten og Svelgen

For deg som driv med tradklatring er Ålfoten og Svelgen-området eit skikkeleg mekka. Her er det gått mange nye linjer, og potensialet for vidare utvikling er enormt.

Ålfoten – buldring
Over 400 etablerte buldre, framleis under utvikling – med stort potensiale.
Ålfoten Utviklarfestival
Nordfjord Klatreklubb arrangerer festival i starten av juni kvart år. Alle er velkomne.
Godt å vite før du dreg
Sjekk oppdatert informasjon om tilkomst, parkering og status på felt før du reiser. Vis omsyn til grunneigarar og natur, og ta med det du tek med deg inn.
Treng du klatreførar eller utstyr før turen?
Stikk innom klatrebutikken på Hamna, eller ta kontakt – vi hjelper deg gjerne med tips til utstyr og førebuingar.
Send e-post Ring resepsjon Gå til klatrebutikken
Tips: Vi kan ofte bestille inn varer vi ikkje har på lager.